٨ نصائح عند كتابة المذكرات الجنائية.
١. المذكرة اللي بتقدمها في جنحة أو جناية، مش محتاجة "بحث علمي طويل" فحاول تخلي مذكرتك بسيطة و مركزة.
٢. بلاش تعتمد كتير على الآراء الفقهية المخالفة لأحكام النقض المتواترة، لأن غالباً القاضي بيميل لأحكام النقض.
٣. أعرض النص القانوني اللي بيحكم الواقعة، وبعدين اكتب احكام النقض، و أخيراً "اكتب التطبيق القانوني على الواقعة" و دي أهم حاجة بيدور عليها القاضي.
٤. خدها قاعدة "المذكرة اللي بتتكتب ليلة الجلسة، بتكون سيئة المحتوى"
٥. دفوعك الشكلية لازم تنكتب قبل الدفوع الموضوعية، ولازم "تنقي" دفوعك، بمعنى انك متكترش من الدفوع و ركز على الدفوع المهمة على قد ما تقدر.
٦. حاول دايماً تسند دفوعك بمستندات أو احكام نقض كلما امكن.
٧. اكتب لمذكرتك" افتتاحية" (ملخص وقائع + عناوين الدفوع)، و اكتب لها "خاتمة" توجر فيها سبب طلب البراءة أو طلب الرأفة.
٨. مش عيب انك تنقل في الأول من موسوعة مذكرات.
في النهاية
خليك عارف ان المحامي زي "صانع الذهب" و لازم يقدم للقاضي "جوهرة مصنوعة بحرفنة".
د. #محمد_الشهير
تعليقات
إرسال تعليق